Que é Startup Galicia e
que pode facer pola tua startup
Chegaches ata eiquí porque estás a argallar un proxecto ou xa tés unha startup.
Startup Galicia pode botarte unha man de moitas maneiras. Parte da nosa labor é empurrar os proxectos que parten da nosa comunidade :)
Imos aló!
Que é Startup Galicia?
Startup Galicia é unha comunidade aberta que impulsa proxectos innovadores e cohesiona o ecosistema emprendedor galego.
Consideramos startup a empresa cun modelo de negocio novidoso ou que emprega tecnoloxías innovadoras para ofrecer un servizo diferencial.
Isto tamén inclúe formas sostibles de desenvolver unha actividade que rompan a tendencia habitual, aínda que a tecnoloxía non sexa sempre o factor principal.
Como rexistro a miña startup?
Isto sería o principal:
Engade a túa startup ao noso mapa cubrindo este formulario 👉 Mapa de Startups
Conéctate coa comunidade no noso espazo virtual 👉 Furancho Slack
Participa nos eventos que organizamos en distintas cidades 👉 Os eventos de Startup Galicia
Tamén podes contactar connosco para unha entrevista no formato “Startup polo miúdo” e dar a coñecer o teu proxecto.
Como pode axudar Startup Galicia á miña startup?
Se tes unha startup, atoparás apoio e visibilidade a través de moitas formas:
O mapa de startups: escaparate onde proxectos galegos aparecen visibles para toda a comunidade 👉 Mapa de startups de Galicia
As Office Hours: mentorías personalizadas e de balde con persoas expertas para obter consellos, contactos e orientación 👉 Solicitar mentoría
As Startups polo miúdo: entrevistas “á galega” para contar a historia e aprendizaxes da túa startup 👉 Lee o noso blogue
Os AMAs (Ask Me Anything): conversas abertas con referentes do ecosistema, onde podes preguntar libremente sobre produto, investimento ou internacionalización.
Os Fiadeiros: obradoiros intensivos de formación práctica en temas clave (produto, finanzas, marketing, tecnoloxía...).
O Conecta Empresas: sesións de speed dating entre startups e empresas tractoras galegas para xerar colaboracións reais.
O Furancho Slack: comunidade virtual onde atopar socias/os, talento, novas do ecosistema e apoio cotián 👉 Entra ao Furancho Slack
Que ofrece Startup Galicia ás persoas?
Se queres formar parte da comunidade, mesmo que non teñas unha startup, tamén podes aproveitar:
Os eventos de networking para coñecer xente, como as eSmorGa (encontros informais da comunidade).
Os AMAs, Fiadeiros, Conecta Empresas, nosday e As Nosas, abertos a todo tipo de persoas interesadas no ecosistema. Bótalle un ollo 👉 Os eventos de Startup Galicia.
Os espazos de coworking gratuítos en cidades como A Coruña ou Santiago de Compostela (en breve tamén en Vigo).
Formación para inversión en startups, para iniciarse no investimento en startups 👉 Curso de Business Angels
A newsletter quincenal, con novidades, eventos e información práctica do ecosistema 👉 Subscríbete á newsletter
Estou fóra de Galicia, podo ser parte?
Por suposto! 🚀 Startup Galicia está aberta a quen queira participar, estea ou non en Galicia.
Podes sumarte ao noso espazo virtual 👉 Furancho Slack e sentirte parte da comunidade dende calquera lugar do mundo.
Tamén podes asistir a eventos online e conectar co ecosistema cando veñas de visita.
