O mundo enfróntase
– A un reto épico: alimentar a unha poboación que supera os 8.000 millóns de persoas, unha cifra que non deixa de crecer.
– A unha dicotomía: un 10% desta poboación padece fame, mentres que unha maior porcentaxe padece enfermidades relacionadas cunha alimentación incorrecta, como a obesidade.
– A un problema global: os sistemas alimentarios, as cadeas de subministración, representan case o 30% das emisións de gases de efecto invernadoiro.
Sostibilidade. Consumo responsable.
Se o covid mostrou problemas de abastecemento, o escenario xeopolítico inestable ten como consecuencias a afastamento do recurso. Máis gravoso cando falamos dun sector estratéxico como é o agroalimentario.
Camiñar cara a un modelo máis sostible implica, por unha banda, apostar pola proximidade (e reducir as importacións que aumentan a pegada de carbono). Por outra banda, potenciar as novas tecnoloxías, entre elas técnicas xenómicas: hibridacións, retrocruces, seleccións... coas que se obtén unha maior calidade comercial e nutricional e foron respondendo ao aumento da demanda. Aínda que son menos produtivas, as variedades locais soportan mellor os factores adversos e garanten o patrimonio xenético, imprescindible para os programas de mellora.
A sustentabilidade busca un equilibrio entre a produción de alimentos, a conservación do medio ambiente e a responsabilidade social. Sen esquecer, por suposto, a seguridade alimentaria e a saúde das persoas.
Como evitar devorar o planeta en poucas décadas? Que se está a facer en Galicia?
