Voltamos cos nosos encontros tech en colaboración con HiCoruña na Coruña! Desta volta con Coinscrap Finance, unha empresa de tecnoloxía financeira que axuda a bancos e aseguradoras a transformar datos de transaccións en experiencias personalizadas para os seus clientes.
A través das ferramentas de IA que xeran, as entidades financeiras poden ofrecer ferramentas de aforro intelixente, análise de gastos e recomendacións en tempo real en función dos hábitos financeiros dos seus usuarios.
Actualmente traballan con algúns dos principais bancos de España e Latinoamérica, e o seu obxectivo é claro: facer que a saúde financeira sexa accesible para todos.
Sobre o relator:
David Conde, é o CEO e cofundador de Coinscrap Finance, unha empresa fintech líder que ofrece solucións B2B de vangarda para bancos e institucións financeiras. Con máis de sete anos de experiencia na industria fintech, apaixónalle impulsar a innovación e a transformación no sector financeiro, aproveitando tecnoloxías avanzadas e a análise de datos para mellorar a eficiencia operativa, optimizar a toma de decisións e fomentar un crecemento sostible.
Pregunta o que queiras, contacta coa comunidade! Non faltes!
