Startups polo miúdo: Envita, facendo a vida máis doada para maiores mediante dixitalización da sua historia

“Startups polo miúdo” é unha mirada atenta e cercana ao talento galego, un espazo onde descubrimos con calma proxectos tecnolóxicos creados aquí, na casa. Faino con coidado e interese, resaltando o máis valioso do noso ecosistema: as persoas que poñen corazón e cabeza en construír algo seu.

Imos a falar de Envita ca sua CEO Noelia López. Envita promove o benestar das persoas maiores a través da dixitalización da sua vida. Imos aló!

1.     E logo... que? [Describe cunha frase a túa startup]

[Envita]: Envita combina tecnoloxía, evidencia científica e ferramentas para coidadores, facendo da Historia de Vida o eixo central dun modelo de atención máis humano e personalizado para persoas maiores e quen convive con demencia.

2.     E vos de quen vides sendo? [Describir brevemente o equipo fundador e como se coñeceu, onde estades ubicados..]

[Envita]: Envita naceu en Vigo, no programa ViaGalicia, onde seguimos tendo a nosa sede. Como fundadora e CEO, lidero un equipo maioritariamente feminino que combina perfís de xerontoloxía, innovación, tecnoloxía e marketing. Compartimos unha mesma paixón: dignificar a vida das persoas maiores.

Ademais, contamos cunha oficina en Madrid e ofrecemos os nosos servizos en toda España.

3. Outra vaca no millo. [Cal foi o problema que queriades resolver cando lanzáchedes o proxecto?]

[Envita]: O noso punto de partida foi claro: as persoas que coidan (profesionais e familias) precisan coñecer mellor á persoa maior para coidala ben. Sen historia de vida, non hai vínculo nen coidado personalizado.

Envita resolve esta brecha creando unha plataforma SaaS que facilita recoller, organizar e ter en conta a biografía e o proxecto de vida das persoas maiores, reforzando os vínculos e a calidade asistencial.

4.     Malo será que non academos... [Próximos pasos. Que obxectivos tedes?]

[Envita]: No curto prazo queremos expandir a nosa solución en toda España, chegando non só ás residencias senón tamén a centros de día, asociacións de maiores e entidades de coidadores, especialmente no ámbito do Alzheimer e outras demencia.

No medio prazo, o noso obxectivo é seguir innovando en IA aplicada ao coidado e dar a coñecer os resultados do noso ensaio clínico a través de publicacións científicas e congresos de referencia.

5.     Cantos cartos tedes no banco? [Esta pregunta busca entender en que momento vos atopades: se fixechedes algunha rolda ou estades agora en rolda ou facedes bootstraping. A idea é que respondades unha horquilla ou que digades que agora mesmo "temos pasta porque fixemos a rolda en...." similar. Esto servirá para darvos visibilidade cos inversores :) ]

[Envita]: En 2023 pechamos a nosa primeira rolda de investimento, que nos permitiu chegar ata aquí e acadar o punto de equilibrio en 2024. Agora estamos xa no proceso dunha nova rolda para acelerar a expansión comercial e impulsar os desenvolvementos tech.

6.   Na miña terra, faise así. [Cáles son os vosos valores? Traballo remoto ou presencial? Como coidades do talento?]

[Envita]: En Envita temos unha cultura moi vinculada á innovación con propósito. Apostamos por un entorno flexible, rigoroso e áxil, que combina momentos presenciais co traballo en remoto e facilita tanto a incorporación de talento como a conexión entre nós.

O feito de xuntar perfís tan diversos —xerontoloxía, innovación, tecnoloxía ou marketing— permítenos traballar desde miradas que se complementan e enriquecen. O noso ADN mestura humanismo, innovación e tecnoloxía: a esencia que fai de Envita un proxecto singular, profundamente humano e con visión de impacto social a gran escala.

7.   Son máis listos ca un allo... [Un emprendedor de referencia ao que admires. Por que? Unha startup galega que recomendedes. Por que?]

[Envita]: Admiro moito a Oriol Fuertes, fundador de Qida, pola súa visión para transformar os coidados no fogar e demostrar que se pode innovar cun impacto social real.

En Galicia destacaría Alice Biometrics, unha startup coa que coincidimos en VíaGalicia e que hoxe é referente internacional en verificación de identidade con tecnoloxía biométrica. Gústame porque amosa como dende Galicia se pode crear innovación punteira con vocación global.

8.    A camiño longo pasos pequenos. [Carta aos Reis Magos: Que falta no ecosistema emprendedor galego?]

[Envita]: Creo que falta unha conexión máis real e constante entre o ecosistema emprendedor e o sector público-privado, sobre todo en proxectos con impacto social. En Galicia hai talento e innovación, pero precisamos máis espazos comúns de colaboración e vías que faciliten que as startups poidamos escalar solucións que melloran a vida das persoas.

Agradecémoslle moito a Noelia que compartir connosco a historia de Envita. Seguimos dando pasos para dar voz a historias reais do emprendemento feito aquí.

¿Tes un proxecto que paga a pena contar? Escríbenos a info@startup.gal, estamos desexando coñecerte!